Færir kennarar ná athygli og ýta undir áhuga barna á verkefnum. Það gildir ekki hvað síst um að njóta sagna og bóklesturs. Alla Dóra kom við á Bárudeildinni og tók flugið með Friðþjófi forvitna. Börnin fylgdust með opinmynnt af innlifun. Stundum verða töfrastundir til -jafnvel í hversdeginum. 

Það hefur margt skemmtilegt gerst hjá okkur í maí. Eldri hópurinn fékk að fara aftur í KR og það var mikil gleði. Síðasti tíminn var því miður föstudaginn 14. maí, en við fáum að fara aftur í haust og vonandi verða nú engar Covid pásur þá. 😊 Yngri börnin hafa verið dugleg að fara í göngutúra og heimsótt róluvelli í nágrenninu og fjöruna, þau eru ótrúlega dugleg að ganga.

Öll börnin sáðu paprikufræjum og bíðum við spennt eftir uppskerunni.Við höfum einnig verið að skapa falleg listaverk, þar sem við teiknum, setjum lím og sand og málum svo yfir. Takið niður Tolla og Kjarval og búið til pláss, þessi listaverk eru miklu fallegri. 😊

Það hefur verið mikið fjör í útiverunni og um daginn fengu stelpurnar í Fiskahópi að mála úti. Í útiverunni er líka boðið uppá sápukúlufjör, danspartý, að mála með vatni og margt fleira. Svo er bara dásamlegt að geta hlaupið út í strigaskóm og úlpu.

Myndir hér að neðan.

Lilja Steinunn Jónsdóttir, björgunarsveitarkona, og Rökkvi, björgunarhundurinn hennar, komu í heimsókn í morgun. Lilja kynnti fyrir Öldubörnunum, og þeim Bárubörnum sem höfðu áhuga, eldgosið og þær hættur sem því fylgir. Hún sagði einnig frá þjálfun björgunarhunda og fengu börnin að sjá skemmtilegar og áhugaverðar myndir og myndbönd af snjóæfingum hunda og frá eldgosinu.

Við upprifjun kom í ljós að eftirfarandi stóð upp úr eftir heimsóknina. (Haft orðrétt eftir börnunum):